Steingrímur Páll

2009-12-13T17:13:00.000-08:00

Kúrt í sófanum eftir kökuát

2009-12-13T17:12:00.000-08:00

í stuði í kökuboðinu

Kökuboð með látum

2009-12-13T17:06:00.000-08:00

Herrann vaknaði kl. 7 og var frekar pirraður þar til hann fékk morgunmatinn. Fór svo beina leið undir hornborðið og hreyfði sig ekki þaðan fyrr en rétt fyrir 11. Við borðuðum hádegismat og svo fór ég að baka fyrir aðventuboðið sem ég hafði kl. 3. Stelpurnar mættu 3 með börn með svo það var handagangur í öskjunni og talsverð læti. Steingrímur var ekki alveg nógu ánægður með það og lét það berlega í ljós. Það lagaðist hinsvegar þegar honum voru boðnar 2 sneiðar af fínu nýbökuðu súkkulaðikökunni minni :D Hann varð samt dálítið pirraður eftir að hafa setið með mér í sófanum um stund, og ég fór með hann fram og ætlaði að bjóða honum að slappa af inni í herbergi í næði. Þegar við komum fram sá hann stelpurnar hennar Sifjar sitjandi á mottunni HANS og hann varð alveg brjálaður ! Stoppaði, kreppti hendurnar, titraði og rak upp öskur !! Hann jafnaði sig fljótt inni í herbergi en notaði fyrsta mögulega tækifæri til að fara fram og leggjast á mottuna þegar krakkarnir voru farnir inn :) Hann var svo hress fram að kvöldmatnum og skemmti sér við að henda lokinu af þvottakörfunni, skella hurðinni hennar Hildu og færa til hornborðið :) Hann var orðinn ansi syfjaður eftir matinn og sofnaði tuttugu mínútur í 8.

2009-12-12T17:02:00.002-08:00

Mottujóga :)

2009-12-12T17:02:00.001-08:00

Gaman að troða sér þar sem ekki er pláss :)

2009-12-12T17:00:00.000-08:00

Lítill gaur búinn að troða sér undir hornborðið :)

2009-12-12T16:57:00.000-08:00

Smá leikfimi í morgunsárið

Bökunardagur

2009-12-12T16:52:00.000-08:00

Steingrímur vaknaði kl. 7 og borðaði vel af morgunmatnum, fékk hafragraut og slátur. Hann eyddi svo morgninum í að opna og loka hurðum og færa til stóla í stofunni :) Hádegismaturinn rann ljúft niður, fiskibollur í karrýsósu með kartöflum. Eftir hádegið skelltum við okkur í Bónus en það var ungi maðurinn ekki sáttur við. Fljótlega eftir að inn kom lét hann í sér heyra og brátt vissu allir í búðinni að við vorum stödd þarna. Nú voru góð ráð dýr en þá sá ég stúlku sem var að kynna Nóa konfekt. Ég fékk 3 mola og byrjaði að stinga upp í munninn á þeim pirraða. Og viti menn, hann snarþagnaði og stýrði hendinni ákveðið að munninum þar til allir molarnir 3 voru horfnir :) Við gátum þá lokið við að versla í rólegheitunum :) Er heim kom fór ég að baksa og baka meðan sumir voru að troða sér bak við borð eða jafnvel undir þau. Hann fékkst ekki til að koma undan borðinu fyrr en komið var að kvöldmat! Hann borðaði 2 heilar pylsur í brauði :) Eftir matinn var chillað á mottu og svo reynt ítrekað að komast aftur undir borð en vond Svava bannaði það þar sem erfitt var að ná honum þaðan síðast :) Hann sofnaði svo klukkan 8 og sefur rótt :)

2009-12-11T17:15:00.000-08:00

Á flótta eftir að hafa fært þvottakörfuna enn einu sinni :D

2009-12-11T17:13:00.000-08:00

Að troða sér bak við borðið :)

Rok og rigning !

2009-12-11T17:07:00.000-08:00

Það var ekki huggulegt veðrið þegar ég kom að sækja prinsinn í dag. Brjálað rok og slagveðursrigning! Við fengum að fara í gegnum skólann og þurftum því bara að labba smá spöl að bílnum en veðrið var svo vont að herrann var farinn að skæla þegar við náðum að bílnum. Ég flýtti mér að setja hann inn en hann var ekki sáttur fyrr en við vorum komin hálfa leið til Reykjavíkur! Þegar ég kom að ná í hann var hann að dunda við bakka fullan af glerdropum og var að skoða einn í hendinni. Honum fannst þetta greinilega mjög áhugavert ! Starfsfólkið sagði að hann hefði verið sofandi þegar hann kom með rútunni en vel hafði tekist að vekja hann :) Við skruppum svo í Bónus og birgðum okkur upp fyrir næstu daga, síðan komumst við loksins heim í skjól fyrir veðrinu. Steingrímur tók strikið inn í stofu um leið og fór að troða sér á bak við hornborðið :) Svo var gengið um og hurðir opnaðar og lokaðar á ýmsum herbergjum, síðan var lokinu á þvottakörfunni hent í gólfið nokkrum sinnum :) Þvottakörfunni var líka ýtt til :) Hann borðaði vel af kvöldmatnum en var afar ákveðinn þegar hann vildi fá að drekka, gargaði ef ég var of lengi að rétta honum fernuna :D Eftir matinn voru gerðar nokkrar leikfimiæfingar og sungið á mottunni, um kortér yfir átta voru augnlokin farin að síga og hann sofnaði skömmu síðar sætt á koddanum sínum :)

2009-11-29T15:44:00.000-08:00

Eldhúsleikfimi :)

2009-11-29T15:41:00.000-08:00

Hnoðast í gamla græna sófanum

2009-11-29T15:38:00.002-08:00

Slappað af á kommóðunni hennar Evu

2009-11-29T15:38:00.001-08:00

Mmmm súkkulaðikaka :)

2009-11-29T15:36:00.000-08:00

Hangið í herberginu hennar Steinku

Heimsókn með súkkalaðikökuívafi :)

2009-11-29T15:27:00.001-08:00

Steingrímur vaknaði um hálf átta í morgun og var hress. Brunaði beint fram í eldhús og byrjaði að klifra upp í stólinn sinn, beið svo spenntur meðan ég hafði til hafragrautinn :) Morgninum eyddi hann svo í það nýjasta, að opna og loka hurðum og troða sér meðfram sófanum og hornborðunum í stofunni. Afhverju að fara auðveldustu leið ef hægt er að gera hlutina erfiðari ? Hádegistmaturinn rann ljúflega niður og eftir hádegið fórum við í heimsókn til Steinku systur. Freyja tók fagnandi á móti okkur eins og venjulega, byrjaði á því að þvo andlitið á Steingrími aðeins áður en hún stökk á mig. Steingrímur hélt sig mest í Steinku herbergi í þetta skiptið, fór aðeins inn í Evu herbergi líka seinni partinn til að opna og loka hurðinni. Honum fannst að það þyrfti að liðka þá hurð aðeins :) Steinka bakaði dásamlega franska súkkulaðiköku og bæði ég og guttinn borðuðum tvær sneiðar með slatta af rjóma. Greinilegt að súkkulaðikaka er í uppáhaldi hjá vissum herramanni. Svo héldum við heim á leið, södd og sæl og ég fór að þvo þvottinn. Sumum fannst nú nauðsynlegt að færa þvottagrindina til af og til, enda bara varð að labba meðfram glugganum þar sem hún var, ekki annarsstaðar :) Svo uppgötvaði sami aðili að þvottakarfan mín var á kolröngum stað á baðherberginu. Henni var því hent um koll nokkrum sinnum og hún færð nokkrum sinnum fyrir dyrnar. Að lokum fékk hún að vera í friði, en það var bara vegna þess að innanhússarkitektinn var kominn inn í Hildu herbergi að færa stólinn hennar :) Kvöldmaturinn gekk vel að venju og eftir hann var herrann að leika sér á mottunni og að færa þvottagrindina til skiptis. Um hálf níu sveif hann svo inn í draumalandið, sennilega að láta sig dreyma um meiri súkkulaðiköku :)

2009-11-28T13:34:00.000-08:00

Að borða kex

2009-11-28T13:33:00.000-08:00

Sætur í Kringlunni, í Eymundsson að hlusta á sögulestur

2009-11-28T13:24:00.000-08:00

Í föndurhorni og leikhorni í Ikea

2009-11-28T13:21:00.000-08:00

Íbúðin hennar Kristínar skoðuð

Mikið að gera :)

2009-11-28T13:14:00.001-08:00

Steingrímur vaknaði kl. 7:20 og var glorhungraður. Hámaði í sig súrmjólk með Cheerios út á og eina brauðsneið. Klukkan hálf tíu fórum við svo í Hafnarfjörðinn og kíktum á nýju íbúðina hennar Kristínar vinkonu. Doddi sonur hennar og Steingrímur nutu þess að bruna út um allt í tómri íbúðinni. Steingrímur prufaði öll herbergin og leist vel á flísarnar í holinu. Síðan skelltum við okkur í Ikea. Við fengum okkur að sjálfsögðu að borða þar og unginn fékk kjötbollur og stóra súkkulaðimúffu í eftirrétt. Ekki var flakkinu enn lokið, við fórum næst í Kringluna og hittum Svanhildi, Óla og Steinar. Strákarnir voru að fá sér hamborgara frá Metro og Steingrímur sat við hliðina á Óla. Allt í einu rétti Steingrímur út höndina og stal hamborgaranum hans Óla :D Hamborgaranum var skilað en litli þjófurinn fékk hinsvegar að háma í sig franskar. Var greinilega pláss enn eftir kjötbollur og köku! Eftir búðarrölt fórum við loksins aftur heim og slöppuðum af. Í kaffinu borðaði hann lítið en tíndi þó upp nokkra bita af matarkexi. Slatti af kexinu endaði reyndar í gólfinu en nóg lenti í munni. Hann tók svo sjálfur til sín kókómjólk og fór að drekka, þurfti enga aðstoð :D Síðan chilluðum við í rólegheitunum, unginn kyssti sjónvarpið og hlustaði á tónlist. Hann borðaði vel af kvöldmatnum, enda hinn víðfrægi plokkfiskur í matinn. Hann var svo hress fram yfir átta, en sofnaði á nokkrum mínútum eftir að ég lagði hann í rúmið. Mikið gert í dag :)

Sætur mottustrákur

2009-11-27T13:13:00.000-08:00

Herra Steingrímur var í fínu skapi þegar ég sótti hann í dag. Mamma hans reddaði því að sækja hann vegna umferðartafa, og mætti ég þeim röltandi á skólalóðinni. Herrann hlustaði á útvarp Latibær á leiðinni heim og sveiflaði fótunum hinn ánægðasti. Þegar heim kom brunaði hann beint að sína elskuðu mottu og velti sér þar fram og til baka :) Ég bauð honum í stofuna að kíkja á barnaefni en hann hafði bara áhuga á mottunni, lá þar og hlustaði á Latabæjarútvarpið. Hann borðaði mjög vel, klifraði sjálfur upp í stólinn með hjálp skemils. Eftir matinn brunaði hann beint inn í herbergi og stillti sér upp við rúmið og starði niður í það. Ég bjó hann þegar fyrir svefninn og burstaði tennur, herrann var svo lagður í rúmið og sofnaði eftir 2 mínútur! Sefur núna sætt og rótt :) Engar myndir að þessu sinni þar sem hleðslutækið fyrir myndavélina er fjarverandi, en fæ myndavél á morgun !

2009-10-18T13:29:00.000-07:00

Í Perlunni

2009-10-18T13:28:00.000-07:00

Tveir að fá sér hressingu

2009-10-18T13:25:00.000-07:00

Steingrímur að ýta sér um í stólnum sínum :)

2009-10-18T13:21:00.000-07:00

Að skoða fiska og kanínur

Á ferð og flugi

2009-10-18T13:14:00.000-07:00

Steingrímur vaknaði aftur um kortér yfir sjö og var í góðu skapi. Lá í smá stundi og kúrði eftir að hafa fengið nýja bleyju, ekkert að flýta sér fram úr. Um kl.hálf tíu komu Kristín Anna og Doddi í heimsókn að kíkja á okkur. Þau fóru svo heim að leggja sig með loforði um að hitta okkur aftur síðar um daginn. Við borðuðum Ikea kjötbollur með kartöflum í hádeginu, Steingrímur borðaði fullan disk :) Svo kl. 3 fórum við í Blómaval með Kristínu og Dodda. Við skoðuðum kanínur, jólalandið og fiskana í dýrabúðinni. Svo fengum við okkur köku og drykk á kaffihúsinu í Húsasmiðjunni. Strákarnir fengu frían Svala og muffins, voru afar ánægðir með það. Því næst fórum við í Öskjuhlíðina. Fyrst röltum við um í Fossvogskirkjugarði og fórum því næst yfir í Perluna. Þar brunaði Steingrímur hamingjusamur um allt, fannst ekkert leiðinlegt að horfa út um gluggann á fallegu birtuna. Síðan héldum við heim um sexleytið og borðuðum heimagerða lifrarpylsu, sem að sjálfsögðu smakkaðist afar vel :) MMmmmm, alltaf best sem maður gerir sjálfur. Síðan var gæinn búinn undir svefninn, hann sofnaði rétt um átta enda búinn að hafa nóg að gera í dag :)

2009-10-17T16:54:00.000-07:00

Gaman hjá mömmu og Siggu frænku

2009-10-17T16:47:00.000-07:00

Afmælisprinsinn fékk flotta eiturslönguköku og allir sungu afmælissönginn :)

2009-10-17T16:42:00.000-07:00

Steingrímur var fljótur að grípa Hákon og fá hann til að taka sig upp :)

2009-10-17T16:39:00.000-07:00

Aron Ingi fylgdist með Steingrími og spjallaði við hann :)

Afmælisveisla fyrir flotta prinsinn :)

2009-10-17T16:31:00.000-07:00

Steingrímur vaknaði kl. kortér yfir sjö og brunaði strax inn í eldhús um leið og heimtaði morgunmat. Og ég meina heimtaði, hann stóð við stólinn og gargaði :) Hann fékk sinn hafragraut og ekkert múður, og hálfa skál af Cocoa Puffs til að gleðja hann. Svo fórum við í Mosfellsbæinn að taka slátur með Gunnu og Ágústu vinkonum. Við vorum heima hjá Ágústu og börnin hennar, þau Aron Ingi og Margrét Erla, voru afar dugleg við að passa Steingrím og vera góð við hann. Margrét Erla leyfði honum að hlusta á tónlist í herberginu sínu og Aron Ingi spjallaði heilmikið við hann. Steingrímur sýndi svo listir sínar í plokkfiskáti í hádeginu og stýrði hverri skeið inn í munninn svo svangur var hann. Allir voru hissa á hve mikið hann gat borðað :) Klukkan þrjú var svo komið að hápunkti dagsins. Við mættum í afmælisveislu litla karlsins. Öll fjölskyldan mætti á staðinn og naut góðra veitinga. Steingrímur tölti um hinn ánægðasti og fékk knús frá liðinu, var hinsvegar ekkert spenntur fyrir veitingunum. Hann var í góðu skapi og hló og fíflaðist með mömmu og Siggu frænku :) Um sexleytið brunuðum við heim og fengum okkur grjónagraut í kvöldmatinn. Að venju borðaði gaurinn vel. Á morgun ætlum við að sjóða lifrarpylsu sem var búin til í dag, namm namm :) Unginn sofnaði svo tuttugu mínútur yfir sjö, alveg búinn eftir góðan dag :)

2009-10-16T15:42:00.000-07:00

Kúrt á mottu með nýja dótið

Syfjaður 6 ára drengur :)

2009-10-16T15:16:00.000-07:00

Ég mætti um hálf fjögur og náði í herramanninn, sem varð 6 ára núna á miðvikudaginnn :). Það tók smá tíma að finna hann, hann var í labbitúr með einum starfsmanninum. Við brunuðum heim og Steingrímur fór beint að stólnum sínum inni í eldhúsi. Eftir smá stund fór hann að öskra hátt, vildi fá hressingu. Hann þagnaði ekki fyrr en hann fékk kókómjólk. Svo komu mamma og Eva systir með afmælisgjöf handa honum, skjaldböku með ljósum og hljóðum og skjaldbökutrommu. Herranum fannst gott að láta mömmu knúsa sig og fá pakka :) Hann fékk Krakkafisk í kvöldmatinn og kláraði bakkann án þess að depla auga :) Eftir það lá hann bara á mottunni þar til hann steinsofnaði kl. 19:30. Hann hrýtur hér við hliðina á mér undir hlýrri sæng :)

2009-09-20T16:13:00.000-07:00

Í heimsókn hjá Óla og Steinari

2009-09-20T16:10:00.000-07:00

Gaman í afmæli hjá Eyrúnu

Önnur afmælisveisla :)

2009-09-20T15:55:00.001-07:00

Steingrímur svaf illa í nótt, var alltaf að hósta. Hann vaknaði um hálf sjö og var frekar slapplegur. Borðaði samt vel af Cocoa Puffs :) Síðan var hann á röltinu og hélt áfram að hósta við og við. Klukkan hálf ellefu steinsofnaði hann og svaf til 12. Hann vaknaði mun hressari og borðaði eina og hálfa pylsu :) Við skruppum í Kringluna til að kaupa gjafapappír fyrir gjöfina hennar Eyrúnar og þá var herrann í góðu skapi. Skellihló og baðaði út öllum öngum, renndi sér í sífellu niður í stólnum og stakk fótunum fram af fótstiginu :) Klukkan 3 fórum við svo í afmælið hennar Eyrúnar, dóttur Sifjar vinkonu. Steingrími fannst ekkert leiðinlegt í partíinu, hann labbaði um allt og fannst fínt að vera í barnaherberginu þar sem mestu lætin voru. Hann borðaði stóra sneið af afmæliskökunni, sem var að sjálfsögðu súkkulaðikaka. Foreldrarnir eiga eftir að rassskella mig fyrir að moka svona miklu af súkkulaðiköku í drenginn yfir eina helgi ! Þegar kom að því að fara vildi minn það alls ekki. Reyndi að sleppa þegar ég klæddi hann í útifötin og meðan ég sótti úlpuna mína slapp hann aftur inn í barnaherbergi. Þegar Sif ætlaði að leiða hann út lét hann sig bara detta í gólfið! Loksins lukkaðist mér að draga hann út úr íbúðinni, en hann var ekki sáttur :) Því næst stoppuðum við hjá Svanhildi systur þar sem hressu gaurarnir þeir Óli og Steinar skoppuðu um allt. Steingrímur kannaði staðinn og reyndi að venju að troða sér á staði sem erfitt er að komast á :) Við héldum svo heim á leið og herrann borðaði fullan bakka af Krakkafisk í kvöldmatinn. Hann var svo eldhress þegar hann átti að fara að sofa, skoppaði um allt rúm og hnoðaði sængina upp í kúlu með fótunum. Hann gafst upp rétt um hálf níu og sefur sætt, enda hættur að hósta !

2009-09-19T15:58:00.000-07:00

Chillmasterinn :)

2009-09-19T15:57:00.000-07:00

Gaurarnir í Dodda herbergi :)

2009-09-19T15:55:00.000-07:00

Gaurinn var á ferð og flugi um allt húsið í afmælisveislunni

Afmælisveisla hjá Dodda litla

2009-09-19T15:46:00.000-07:00

Steingrímur vaknaði klukkan 7 og var fyrst ansi úrillur. Hann tölti fram í eldhús og um leið og Coco Puffs kúlurnar skullu í skálinni snarþagnaði hann og beið spenntur eftir framhaldinu. Litli súkkulaðikarlinn borðaði kúffullan disk og var afar sæll með þetta. Við eyddum svo morgninum í að hlusta á Útvarp Latibær, horfa á sjónvarpið og klifra á stólum (Steingrímur sá reyndar eingöngu um þá deild). Hann borðaði fullan bakka af Krakkafisk í hádeginu, þetta er eiginlega fyndið hvað barnið borðar mikið þegar hann er hér !! Svo klukkan 3 fórum við í afmæli hjá Dodda litla hennar Kristínar Önnu vinkonu. Hann varð 2 ára 11. september. Steingrímur kippti sér ekkert upp við öll lætin í veislunni, labbaði um meðal fólksins hinn rólegasti og kom sér fyrir á góðum stöðum til að slappa af. Hann borðaði stórt stykki af afmælisskúffukökunni hans Dodda, greinilega að súkkulaðikökur eru nýtt uppáhald (hint hint mamma, fyrir afmælið :)). Hann var lengi inni í Dodda herbergi að skoða dótið hans. Dodda fannst þetta nú dálítið vafasamt og passaði að hann stæli hvorki rúminu né bílunum hans :) Við fórum svo heim um sexleytið og chilluðum aðeins fyrir kvöldmatinn. Steingrímur borðaði stórt stykki af lúðu með stöppuðum kartöflum og ofnbökuðum sætum kartöflum. Bara duglegastur :)) Eftir matinn var hann greinilega orðinn þreyttur, kúrði í sófanum hjá mér og horfði á fréttirnar. Sofnaði eins og ljós klukkan 8 :)

2009-09-18T15:43:00.000-07:00

Sprellað og lúrt í Svövu rúmi :)

2009-09-18T15:40:00.000-07:00

Kókómjólkin drukkin þar til hún fékk vespumitti :)

Súkkulaðikökukarl :)

2009-09-18T15:31:00.000-07:00

Ég sótti múslí litla í frístundaheimilið en hann sat hinn ánægðasti í sófa með Jóhönnu umsjónakonu sinni. Hann hafði víst verið sprækur úti, hlaupið upp og niður hól og meira að segja sent þeim nokkur bros :) Mikil ánægja með það. Herrann fékk far að bílnum í hjólastólnum þar sem ég var klyfjuð töskum og var alsæll með það. Við brunuðum svo í Kringluna og hittum þar mömmu stráksa, honum til mikillar gleði. Hann náði að sníkja nokkur faðmlög án mikillar fyrirhafnar :) Við skruppum inn í Hagkaup og vorum svo heppin að boðið var upp á súkkulaðiköku í tilefni 50 ára afmælis verslunarkeðjunnar. Steingrímur var afar ánægður með það, hann át tvö stykki og togaði hendina á mér að munninum til að fá hvern bita hraðar :) Súkkulaðifíkillinn litli :) Svo var nú haldið heim á leið og Útvarp Latibær settur á fullt. Aldrei þessu vant leit minn maður ekki við mottunni góðu heldur fór beint í stólaklifur. Þegar kom að kvöldmat var ekki að sjá að kakan hefði dregið úr lystinni. Hann borðaði meirihlutann af plokkfisksbakka og skolaði herlegheitunum niður með kókómjólk sem var tæmd í einum rykk. Síðan fór ég að búa hann í rúmið og eftir að hann fékk nýja bleyju vildi hann ekkert fara úr rúminu mínu. Hann dúllaði sér þar og lék sér þar til klukkan 8, þá steinsofnaði músin og var fluttur yfir í sitt rúm :)

2009-08-30T16:36:00.000-07:00

Skuggabaldur

2009-08-30T16:33:00.000-07:00

Gæinn reyndi að stinga af fyrir utan húsið hennar mömmu

2009-08-30T16:21:00.000-07:00

Skoðar íbúðina hjá mömmu

2009-08-30T16:16:00.000-07:00

Herrann fékk hressingu í IKEA og prufaði bekk fyrir utan

Óróleg nótt en ágætur dagur

2009-08-30T16:11:00.000-07:00

Nóttin var afar óróleg hjá Steingrími. Hann vaknaði kl. hálf 2 og var vakandi til rúmlega 3, síðan vaknaði hann aftur um 4, svo um 5 og loks rúmlega sex. Hann vaknaði endanlega kl. 7 og voru þá sumir ansi þreyttir. Hann borðaði vel af morgunmatnum eins og venjulega og var á röltinu til hádegis. Hann borðaði mjög vel enn og aftur, ekkert að matarlystinni núna :) Eftir hádegið fórum við með mömmu minni í IKEA. Steingrími fannst það fínt, sat eins og herforingi í kerrunni og fékk kókómjólk í kaffiteríunni. Hann vildi hinsvegar ekki líta við skúffukökunni sem honum bauðst. Við komum svo við hjá mömmu í heimleiðinni og Steingrímur rifjaði upp íbúðina hennar með því að fara í góðan könnunarleiðangur. Þegar heim kom borðaði hann 2 brauðsneiðar með mysing og fór svo inn í stofu og kíkti á sjónvarpið. Hann fékk grjónagraut í kvöldmatinn, með lifrarpylsu, og líkaði mjög vel. Ótrúlegt en satt, hann sofnaði ekki fyrr en kl. 8, hefði haldið að hann ætti enga orku eftir þar sem hann var illa sofinn. En nú sefur hann eins og engill og vonandi verður það þannig í alla nótt.

2009-08-29T14:28:00.000-07:00

Gaman á róló í góða veðrinu

2009-08-29T14:21:00.000-07:00

Steingrímur að bralla hjá Steinku

Ýmislegt baukað

2009-08-29T13:52:00.000-07:00

Steingrímur vaknaði klukkan hálf átta, sem var fínn tími að mínu mati :) Hann borðaði mjög vel af morgunmatnum og fór svo inn í stofu að rölta og kúra í sófanum. Barnaefnið var í gangi og hann horfði smá stund. Hann var svo á ferðinni um íbúðina og skemmti sér við að vera mjög hávær fram að hádegi. Hann borðaði krakkafisk í hádeginu og kláraði heilan bakka, 400 g!! Ekki að spara við sig matinn núna ! Eftir hádegið skutluðum við Hildu á frjálsíþróttamót og fórum svo í heimsókn til Steinku. Steingrímur fór meðfram öllum húsgögnum þar sem erfitt var að troðast, flækti sig í rafmagnssnúrum og lék sér í borðstofustólunum. Hann var ansi hávær þarna líka, en róaðist við táslunudd í sófanum. Síðan skruppum við út á leikvöll með Sif vinkonu og stelpunum hennar. Steingrímur prófaði að klifra upp stigann að rennibrautinni en hann langaði ekki að renna. Fannst flott að vera þar uppi og horfa yfir. Síðan var haldið heim á leið og þá fór guttinn að hlusta á tónlist og söngla með. Hann fékk pylsur í kvöldmatinn og borðaði næstum því tvær með brauði og tómatsósu. Gunna vinkona kom við og náði rétt að sjá hann vakandi, hann horfði mjög áhugasamur á hana og virtist líka vel að taka í hendurnar á henni. Skömmu síðar steinsofnaði ungi maðurinn og sefur vonandi jafn vel og síðustu nótt :)

2009-08-28T13:40:00.000-07:00

Náttfataklæddur herra sást á ýmsum stöðum

2009-08-28T13:38:00.000-07:00

Gormast um stofuna

Hr. Mathákur

2009-08-28T13:32:00.001-07:00

Ég kom og sótti unga manninn og ömmu hans í Mosó. Hann var í ágætis stuði, var alveg til í að koma í bílferð og losna við mömmu og pabba (he he). Við skiluðum ömmu heim að dyrum (þóttist ætla að keyra hana upp á 7. hæð :)) og fórum svo heim. Unginn tók sinn vanalega könnunarrúnt um íbúðina og fór svo að nota borðstofustólana sem trommur. Þegar matartíminn kom kallaði ég inn í stofu: Steingrímur, komdu að borða! Og minn kom brunandi um leið inn í eldhús og byrjaði að klifra upp í stólinn :) Enda var hann svangur, borðaði fullt box af Gríms plokkfisk á mettíma, togaði hendina með skeiðinni inn í munninn aftur og aftur ! Ein kókómjólk lét líka lífið í átökunum :) Svo fékk hann aðeins að leika sér eftir matinn en var lagður í rúmið rétt fyrir átta. Fimm mínútum síðar var hann steinsofnaður, saddur og sæll :)

2009-07-19T14:57:00.000-07:00

Á Þingvöllum

Ferð um Hvalfjörð, Þingvöll og rjómapönsur í lokin :)

2009-07-19T14:40:00.001-07:00

Steingrímur vaknaði rétt fyrir sjö og var frekar fúll. Hann hresstist aðeins eftir morgunmatinn en var frekar grumpy fram til tíu. Þá komu Doddi og Kristín Anna í heimsókn og hresstu okkur við. Eftir hádegismatinn fórum við svo öll í smá ferð. Við keyrðum upp í Hvalfjörð og beygðum svo inn Kjósarskarðsveg. Þar skoðuðum við litla sveitakirkju á Reynivöllum. Þvínæst var brunað að rústunum af Valhöll á Þingvöllum. Steingrímur skoðaði klónna á gröfunni sem sá um niðurrifið afar vandlega. Svo röltum við að Þingvallakirkju og skoðuðum kirkjugarðinn. Einhver athöfn var í gangi í kirkjunni svo við gátum ekki kíkt á hana. Steingrími fannst erfitt að labba eftir göngustígnum meðfram ánni og gekk á tímabili eins og krabbi :) Eftir að ég bakkaði næstum út í Öxará tókst okkur að koma lifandi heim til Kristínar. Hún bakaði pönsur og við hámuðum í okkur rjómapönnsur með rabbabarasultu, fullkominn endir á góðum degi :) Við Steingrímur héldum síðan heim á leið og herrann fékk sér kvöldmat. Hann var svo sóttur af fjölskyldunni og fannst greinilega ekki leiðinlegt að hitta þau aftur :)

2009-07-18T14:28:00.000-07:00

2009-07-18T14:26:00.000-07:00

Gaman um borð :)

2009-07-18T14:18:00.000-07:00

Skipið kannað fyrir brottför (nösin boruð líka)

Sigling um Breiðafjörðinn

2009-07-18T14:07:00.000-07:00

Steingrímur vaknaði um sexleytið og var frekar súr. Hann hresstist samt eftir hafragrautinn og fór svo á sína elskuðu mottu. Hann fékkst ekki til að vera neins staðar annarsstaðar ! Um hálf ellefu lögðum við af stað upp á Snæfellsnes. Ferðin gekk vel og Steingrímur var í góðu skapi, sönglaði og smellti fótunum upp á höfuðpúðann á framsætinu :) Þegar komið var í Stykkishólm fengum við okkur samlokur og safa. Sumir reyndu ítrekað að stinga af, ég prófaði að labba á eftir honum til að sjá hversu langt hann myndi ganga og hann ætlaði sér bara að labba einn niður á höfn ! Siglingin hófst kl. 14:30 og fljótlega kom í ljós að litla herra fannst þetta mjög gaman. Hann hló og hló, klappaði saman lófunum og æddi um allt skip. Veðrið var frábært og eyjarnar skörtuðu sínu fegursta. Við sáum örn, lunda, skarfa og fýla í tonnavís. Steingrímur fékk að kíkja á skeljarnar og ígulkerin sem komu upp þegar sleði var dreginn á eftir skipinu og fannst það frekar ógeðslegt allt saman. Þegar í land kom var svo brunað í bæinn eftir bleyjuskiptingu í mjúku grasi og glampandi sólskini. Steingrímur var alveg jafn hress á bakaleiðinni og naut greinilega ferðarinnar. Þegar heim kom fékk hann uppáhaldið sitt, plokkfisk og borðaði allan bakkann án þess að stoppa einu sinni. Svo var farið í náttföt og gaur gerður tilbúinn í rúmið, hann steinsofnaði svo 10 sekúndum eftir að hann var lagður á koddann, þreyttur eftir langan en spennandi dag.

2009-07-17T13:08:00.000-07:00

Herrann á töltinu í Borgartúninu, prófandi stóla og bása

Lítill heilbrigðisfulltrúi

2009-07-17T12:56:00.000-07:00

Herra Steingrímur mætti til vinnu hjá Umhverfissviði í dag. Hann kom til mín um þrjúleytið og þótti ekki leiðinlegt að skoða staðinn. Fullt af göngum, básum og sniðugum stöðum! Og skápum og listum til að halla sér upp að. Hann fékk að prófa skrifstofustólinn hennar Magneu og hamraði aðeins á lyklaborðið hennar :D Gott að fá svona mini heilbrigðisfulltrúa að vinna með sér af og til :D Eftir vinnu skruppum við í Bónus og brunuðum svo heim á leið. Veðrið var svo gott að ég settist út á svalir. Steingrímur vildi ekki sjá að vera á svölunum og var snöggur að koma sér inn og setjast á mottuna. Ég ákvað að vera með óhollnustu í kvöld og sauð pylsur handa okkur. Unga manninum fannst það ekki slæmt, borðaði eina og hálfa pylsu og brosti og hló allan tímann. Hann hló líka stanslaust meðan skipt var á honum og hann klæddur í náttfötin, hætti bara þegar tannburstinn birtist á svæðinu. Liggur nú og syngur sæll í rúminu, virðist á hraðri leið inn í draumalandið :)

2009-06-14T15:03:00.000-07:00

Stólarnir prófaðir

2009-06-14T14:59:00.000-07:00

Slappað af hjá Helen og Örnu

2009-06-14T14:55:00.000-07:00

Stungið af upp stigann hjá Helen

Skroppið í kaffi hjá Helen

2009-06-14T14:41:00.000-07:00

Steingrímur vaknaði um klukkan sjö og borðaði vel af morgunmatnum. Svo tölti hann um, horfði smá á sjónvarp og lá á mottunni. Hann borðaði mjög vel í hádeginu, alveg eins og hungraður úlfur! Eftir hádegið fórum við í heimsókn til Helenar systur. Þar var fröken Arna Rún á staðnum og brunaði um allt í góðu skapi. Steingrímur skellti sér í sófann hjá Örnu og ömmu hennar og slappaði af um stund. Hann prófaði líka litla hægindastólinn hennar Örnu og leðurstólinn hennar Helenar. Hann stakk nokkrum sinnum af upp á efri hæð en sneri alltaf við niður þegar hann kom á millipallinn. Við fengum kaffi og köku og héldum svo heim á leið. Það var ýsa í karrísósu í kvöldmatinn og herrann borðaði heilan disk :) Eftir matinn var greinilegt að minn var orðinn syfjaður svo hann var tannburstaður og þveginn í hvelli og sofnaði svo kl. 8, næstum um leið og hann var lagður á koddann

2009-06-13T13:33:00.000-07:00

Heilsað upp á Florence frænku

2009-06-13T13:31:00.000-07:00

Gaman hjá ömmu

2009-06-13T13:28:00.000-07:00

Gaman hjá pabba

2009-06-13T13:24:00.000-07:00

Klifrað á stólum

2009-06-13T13:19:00.000-07:00

Kyssir sjónvarpið og buffetið :)

2009-06-13T13:16:00.000-07:00

Steingrímur borðar köku, lítill svartur hvolpur bíður við fæturnar og vonast til að fá bita líka (erfitt á sjá, er svartur)

2009-06-13T13:13:00.000-07:00

Steinka á svoo þægilega sófa :)

2009-06-13T13:11:00.000-07:00

Freyja eins og gul elding að fylgja Steingrími inn

Skemmtilegur dagur með heimsóknum

2009-06-13T13:03:00.000-07:00

Steingrímur vaknaði rétt fyrir kl. 7 og var vel stemmdur. Fékk að koma upp í til mín og lá þar dágóða stund og sönglaði áður en við fengum okkur morgunmat. Svo var rölt aðeins um, horft smá á tv og legið á mottunni. Minn borðaði mjög vel í hádeginu, var alveg botnlaus. Eftir hádegið fórum við í heimsókn til Steinku og Gumma. Þau voru að passa hvolp sem frænka mín á og um leið og dyrnar voru opnaðar komu Freyja og hvolpurinn þjótandi á brjálaðri ferð til að taka á móti okkur. Steingrímur ýtti þeim bara til hliðar og brunaði inn í stofu. Við fengum okkur köku og góðgæti og síðan fór herrann á rölt í stofunni. Honum leist vel á borðstofustólana hennar Steinku og klifraði upp á þá og labbaði eftir þeim!! Orðinn svolítið ævintýragjarn! Hann fór líka og kyssti sjónvarpið vel og rækilega, nuddaði líka vörunum upp við buffetið :) Um fimmleytið fórum við til Sylvíu ömmu til að hitta Florence ömmusystur sem er í heimsókn á landinu, en hún býr í Englandi. Steingrímur var kátur að hitta pabba þar og var vel til í að ærslast með honum. Frænka gaf honum bol og bíl en herranum fannst skemmtilegra að hossa sér í stólnum hennar ömmu en að pæla í svoleiðis hlutum :) Svo var ég dregin út að dyrum af óþolinmóðum herra og við héldum heim. Hann borðaði vel af kvöldmatnum og tölti svo syngjandi fram í stofu. Hann fór í rúmið kl. 8 og sofnaði strax, sætt og rótt :)

2009-06-12T17:25:00.000-07:00

Sleeping beauty

2009-06-12T17:23:00.000-07:00

Spiderman gæi

2009-06-12T17:18:00.000-07:00

Kominn beint á mottuna og rak kaní þaðan!

Þreyttur, kvefaður snúlli

2009-06-12T17:03:00.000-07:00

Þegar ég kom að sækja snúlla á leikskólann var hann úti í sólinni, hæstáægður að leika í sandinum. Við töltum saman út í bíl og að venju hafði hann enga þolinmæði fyrir því að einhverjar fóstrur vildu tala við mig og bara brunaði áfram. Í bílnum var rosa gaman, ég hafði skrúfað niður rúðurnar og vindurinn lék um þann litla og það var mikið hlegið. Þegar heim kom skellti hann sér beint á mottuna áður en ég gat einu sinni klætt hann úr skónum og flíspeysunni. Kanínan kom og tékkaði á honum en hann bandaði henni í burtu. Eftir að hafa svo rölt um alla íbúð varð minn allt í einu dauðþreyttur og steinsofnaði. Hann svaf í hálftíma og var frekar úrillur þegar hann vaknaði. Var að hósta nokkuð mikið. Hann borðaði hálfan disk af kvöldmatnum og var bara rólegur á mottunni eftir það. Hann sofnaði kortér í níu og sefur eins og engill.

2009-06-01T13:36:00.000-07:00

Slappað af hjá mömmu

2009-06-01T13:34:00.000-07:00

Símamyndir úr Grasagarðinum

Steingrímur hittir Dalai Lama :)

2009-06-01T13:25:00.000-07:00

Steingrímur vaknaði um sjöleitið í morgun. Morgunmaturinn gekk vel að venju og að venju fór minn maður að mottast við fyrsta tækifæri. Eftir hádegismatinn fórum við á Hilton hótelið að hitta Dalai Lama. Ég er í hópi sjálfboðaliða sem eru að undirbúa Laugardalshöllina fyrir fyrirlesturinn hans á morgun og okkur var boðið að koma og hitta hann. Steingrími fannst ekki alveg nógu spennandi að bíða eftir honum og var mikið á röltinu. Svo kom Dalai Lama og talaði við okkur, þakkaði okkur fyrir aðstoðina og lét mynda sig með hópnum. Hann veitti okkur blessun og var hinn ljúfasti. Við fengum litlar búddastyttur blessaðar af Dalai Lama að gjöf. Eftir þetta fékk ég mér kaffi í andyrinu með nokkrum sjálfboðaliðum og Steingrímur skreið hæstánægður upp í bleikan stól og sat þar rólegur á meðan við spjölluðum. Sæl og glöð héldum við svo í Grasagarðinn þar sem Raggi var með börnin sín þrjú. Við löbbuðum um og gáfum öndunum brauð. Steingrímur brunaði um allt og var ekki feiminn við að kanna umhverfið. Ég gleymdi myndavélinni en Raggi tók myndir sem hann sendir mér seinna. Þvínæst var farið í heimsókn til mömmu minnar sem bauð upp á ostabrauð, herranum til mikillar gleði. Loks var haldið heim og herrann fékk góðan kvöldmat. Hann sofnaði svo sæll, blessaður og glaður eftir viðburðaríkann dag :)

2009-05-31T16:36:00.000-07:00

Í stuði á mottunni - ekki sybbinn!

2009-05-31T16:32:00.000-07:00

Að vakna upp í rólegheitunum hjá stelpunum

2009-05-31T16:30:00.000-07:00

Unginn fannst sofandi við hjónarúmið

2009-05-31T16:28:00.000-07:00

Að borða góðar súkkulaðikökur

Afmælisveisla með góðum súkkulaðikökum

2009-05-31T16:09:00.001-07:00

Steingrímur vaknaði kl. 6 og borðaði að venju vel af hafragraut með eplamauki í morgunmat. Hann var svo á töltinu og á mottunni sinni fram að hádegismatnum. Hann var mjög ánægður með brauðsneiðar með skinku og osti, grilluðum í samlokugrilli. Svo skruppum við í Laugardalshöll þar sem ég var að raða stólum fyrir Dalai Lama fyrirlesturinn á þriðjudaginn. Steingrími fannst þetta fljótt leiðinlegt svo við stoppuðum ekki lengi. Við skruppum svo í bíltúr með Svanhildi. Svo var farið í Kópavoginn í afmælisveislu hjá Sif vinkonu. Steingrímur var afar ánægður með súkkulaðikökurnar sem voru í boði, hann borðaði 3 sneiðar!! Súkkulaðið hafði nú ekki örvandi áhrif því hann tölti inn í hjónaherbergið og steinsofnaði við hliðina á rúminu. Eftir smá blund var hann vakinn en þurfti smá tíma til að jafna sig og lá þá uppi í rúmi með Örnu og Freydísi sem voru að horfa á sjónvarpið. Við fórum svo heim og elduðum pylsur í kvöldmatinn. Herrann borðaði heila pylsu þrátt fyrir allt súkkulaðikökuátið! Hann var svo á töltinu þar til rúmlega hálf níu. Þá lagði ég krúttið í rúmið og hann sofnaði fljótlega vært hjá bangsanum sínum.

2009-05-30T17:52:00.000-07:00

Chillmasterar á sófanum :)

2009-05-30T17:48:00.000-07:00

Á ferðinni hjá Steinku

2009-05-30T17:46:00.000-07:00

Freyja fagnaði okkur eins og alltaf

2009-05-30T17:44:00.000-07:00

Chillað á bekkjunum

2009-05-30T17:40:00.000-07:00

Leikið og slappað af í einu húsinu

2009-05-30T17:38:00.000-07:00

Smá ævintýraferð á bak við húsin :)

2009-05-30T17:36:00.000-07:00

Á labbi í sjóræningjaskipinu

2009-05-30T17:35:00.000-07:00

Kíkt á geiturnar

Viðburðaríkur dagur :)

2009-05-30T17:23:00.000-07:00

Steingrímur vaknaði rétt fyrir sjö og var í góðu skapi. Borðaði tonn af hafragraut og brunaði svo inn í stofu og horfði aðeins á skrípó. Talsverðum tíma var eytt á uppáhaldsmottunni og mikið sungið. Hann borðaði mjög vel í hádeginu og eftir matinn brunuðum við í Fjölskyldu- og húsdýragarðinn með Svanhildi, Óla og Steinari. Þar voru líka u.þ.b. 90% þjóðarinnar! Kerran mín reyndist með sprungið dekk svo Steingrímur endaði á því að vera keyrður um í stórum hjólastól!! Við komumst eftir troðning í gegnum mannfjöldann að leiktækjunum í fjölskyldugarðinum og hittum þá engar aðrar en ömmu, Siggu frænku og Evu stóru systur :) Steingrímur brunaði til Siggu og gaf henni knús :))) Þær voru í Candy floss biðröðinni og við kvöddum þær fljótlega þar sem ungur herra vildi komast í fjörið. Við fórum hring í sjóræningjaskipinu en þar var svo mikið af krökkum að Steingrími þótti nóg um. Við fórum þá yfir að húsunum við hliðina á og þar fannst mínum gaman. Hann labbaði allt í kringum húsin, fór inn í eitt og klifraði þar og settist svo á bekkinn þar og slappaði af :) Allt of mikil læti þarna úti! Við töltum svo aftur í átt að skipinu og sáum þá Siggu frænku, enn í röðinni!! Svo kom Svanhildur með pylsur og drykk og við fengum okkur hressingu. Svo fór veðrið að versna svo við skruppum öll í Kringluna. Steingrími fór fljótt að leiðast svo við fórum næst í heimsókn til Steinku. Freyja tók vel á móti okkur eins og venjulega :)) Loks fórum við til Kristínar Önnu í mat ásamt Guðnýju vinkonu. Steingrími fannst gaman að bruna um svæðið en Doddi litli hafði áhyggjur af því að hann væri að fara að taka dótið hans og fylgdist vel með honum. Þeir félagar chilluðu saman upp í sófa fyrir matinn :))) Hann borðaði mjög vel af kvöldmatnum og sofnaði saddur og sæll eftir viðburðaríkan dag :)

2009-05-29T13:16:00.000-07:00

Að kanna Hildu herbergi

2009-05-29T13:10:00.000-07:00

Að chilla við rúmið sitt